recent
أخبار ساخنة

أروع القصائد 2020

الصفحة الرئيسية

أروع القصائد 2020


أروع الكلمات والقصائد

قصيدة عن أغلى صاحب


كان صاحبى كان صورتى كان كل تكوينى كان عينى كان قلبى كان بئر أسرارى.
لكن بكلمة واحدة منه بنهى كل سطور ذكرياتنا وايامنا سوا
كان ضحكة كان همسه كان كتاب مفتوح بالوقتى اتقفل ومفيش صوت مسموع.
كان صحبى كان صورتى كان أملى كان عقلى بالوقتى سكنتى الى دبحتنى بالوقت أنا همشى ومفيش رجوع تاني، كان صحبى كان صورتى كان كل تكوينى كان شمعة بتنورطريق ليا فى عتم ليالينا، كان فرحة تفرحنى لو يوم الدموع غرقتنى، كان عينى كان عقلى كان كل تكوينى. 
كان خدعة  كان جرحه للقلب كسرتنى صعب جدا انسى  صعب جدا اهدى. كان صحبى  كان عندى اغلى من نفسى كان صحبى كان كل تكوينى .


قصيدة عن طفولتى


احكيلكوا عن نفسى احكيلكوا عن صورتى ما أنا إنسان كنت طفل فى يوم من الأيام بس ما لقيت حضن يضمنى، ولا إيد تطبطب ويهزنى الحنين ليها ما إنسان من صغرى حيران مطفيه فيا كل معانى الحنية. 
متربى على ضوء شمعة ولمبة بشريطة لعندى تكبر ولا غرور  ولكن عايش بجناح مكسور فى طفولتى كنت مهموم كنت بشكى لحالى ونفسى وفى حجرتى اعيش فى ظلمه وعتمه. طفولتى كانت كل آلامى وجرحى .
ياريت كنت الاقى الحضن ولا طاقة نور  مكنتش اعيش فى الدنيا،لاغى شكلى لاغى اسمى  مكنتش اعيش فى الدنيا متنكر وانام على مخدتى متخدر.
حازف نفسى حازف صورتى من بطاقتى عايش نفسى مش نفسى  وصوت مش صوتى ولون مش لونى انا رافض وبكل مافيا ان اعيش طفولتى ديا.
مخدوع فى الدنيا ومتمرد على كل شىء فيا.
نفسى تصعب عليا ويجرى دمعى فى عنيا  روحى تهتز وقلبى يرجف كل يوم من حزن على ايام كنت احسبها ليا وهى مش ليا نفسى  ترجع نفسى انسى المرحلة دى.

قصرت المسافات عليا يازمن وما لقيت حاجة بتسعنى فى دنيتى غير قلم وسطور فى اجندتى بكتب  فيها كل اوجاعى، الغنا شعر  وبيسرد  كل الحانى وكلماته تشجينى لكن مالى حيله فيه حيلتى هى قلمى وورقى وسطور يملاءها كل كلماتى أنا شعرى عامية كلماته أغنية لانه كلماته من وحى لياليا كلماته اناشيد بتحي النور فيا.


قصيدة بدور فى الدنيا على صاحب 


مشيت فى الدنيا أدور على صاحب؟ يتصاحب بس والله مالقيت  صاحب يقسمنى فرحى وحزنى وجرحى  مشيت وفى كل طريق وبحثت وانا قلبى طليق مع انى لا اطيق كل اوجاعى وياءسى وجريت  وانا قلبى حزين على شجرة كانت  بتلين ليا كانت سند وعون ليا كنت بسند عليها ظهرى  من غير  متكون  شوكة فى ظهرى، وقولها كل ال فكرى من غير ولا مرة كانت تشكى  وكانت فعلا هى صحبتى وبنتى مشيت ومشيت مع بطىء، عقارب ساعتى ومشيت  وزهقت من حيرتى وياءسى وهفضل  اقول  كلماتى مفيش صاحب يتصاحب. مفيش صاحب يادنيا ليا مفيش ولاذكرى ليا .


قصيدة صديق للهم  


انا صديق للهم اعيش انا وحيداً فى الدنيا جريح لااقبل انا اعيش فى الدنيا جريح ولا مكسور يارب قوينى على ذل وانكسار جوة نفسى وبره نفسى مش هقبل اعيش فى الدنيا بجناح  مكسور يارب قوينى على ضعفى وحيرتى  وكسرتنى  كانت سكين  فى صدرى كانت انين  جوة قلبى عمرها ما نصرتنى انا انسان مش هقبل اكون مهموم ولا الأحزان تملكنى والهم  يقتلنى ياما جسور وحصور وجبال من الأحزان عدتها وكنت انا الاقوى وعمرى مخبتها كنت اقوى من الايام، من الاحزان يارب انا كنت بفرح ففرحى ايام معدودة اوى لكن بحمدك لان حمدك  غايتى ومرادى انا يطمنى ويثبتنى ويقوينى انا يارب  ان كنت بحزن بحزن من قسوة الايام والحزن متعب اوى يارب إذا كان الحزن صديق ليا ليه الفرح ميكنش صديق يلازمنى ما يفرقنى.


Reactions:
author-img
D.GANA

تعليقات

تعليق واحد
إرسال تعليق
  • ادم photo
    ادم12 أبريل 2020 في 11:33 م

    كلمات جميله جدا كلها احساس ومشاعر راقيه نحب نسمع منها المزيد ونسعد بها جدا

    حذف التعليق
    google-playkhamsatmostaqltradent